पंचगंगेत सापडला अमेरिकेत आढळणारा दुर्मिळ ‘ॲलिगेटर’ जातीचा मासा
कोल्हापूर :
चिखली ता . करवीर येथील पंचगंगा नदीमध्ये दुर्मिळ ॲलिगेटर जातीचा मासा सापडला . पहिल्यांदाच पंचगंगा नदीत अमेरिकेत आढळणारा ‘ॲलिगेटर’ जातीचा मासा सापडल्याची घटना घडली.दरम्यान हा मासा आला कुठून असे प्रश्न नागरिकांना पडले आहेत.
कोल्हापूर प्रयाग चिखली येथील पंचगंगा नदीमध्ये दुर्मिळ ॲलिगेटर जातीचा मासा सापडला आहे. किशोर जगन्नाथ दळवी आणि रघुनाथ दळवी या शेतकऱ्यांना मासेमारी करत असताना त्यांच्या जाळ्याला हा ॲलिगेटर जातीचा मासा लागला,सुमारे अडीच फूट लांब, अडीच किलो वजन आहे, मगरी सारखा लांब जबडा असून, जबडे मध्ये दातांची संख्या जास्त आहे, या माशाचे वैशिष्ट्य म्हणजे सकाळी साडेसात वाजता हा मासा सापडला, दुपारपर्यंत हा जिवंत होता, यानंतर दळवी यांनी हा मासा पाण्याच्या टाकीमध्ये सोडला आहे. पहिल्यांदाच पंचगंगा नदीत आशा प्रकारचा मासा सापडल्याची घटना घडली आहे. हा ॲलिगेटर मासा अमेरिकेतल्या गोड्या पाण्यात आढळून येतो ,मात्र पहिल्यांदाच या भागात या जातीचा मासा मिळाल्याने आश्चर्य व्यक्त केले जात आहे.
आज सकाळी साडे सात वाजता प्रयाग चिखली, शिंगणापूर पंचगंगा नदीच्या काठावर येथील किशोर जगन्नाथ दळवी ,रघुनाथ दळवी आणि काही शेतकरी नेहमीप्रमाणे नदीमध्ये जाळे टाकून मासे पकडत होते. मात्र त्यांच्या जाळ्यात पहिल्यांदाच अमेरिकेत आढळणारा हा दुर्मिळ जातीचा ‘ॲलिगेटर’ मासा सापडला . माशाचे तोंड मगरी सारख्या तोंडासारखे दिसत असल्याने त्यांना सुरुवातीला मगरच जाळ्यात अडकली असे वाटले , त्याचे बारीक निरीक्षण केल्यानंतर हा वेगळाच मासा असल्याचे समजले. काही जाणकारांना या माशाविषयी विचारल्यानंतर हा मासा ‘ॲलिगेटर’ जातीचा असल्याचे समजले. दरम्यान, पहिल्यांदाच असा मासा सापडल्याने अनेकांनी आश्चर्य व्यक्त केले असून पंचगंगा नदीमध्ये आणखी असे अनेक मासे असणार असल्याचे बोलले जात आहे.
दरम्यान हा मासा आला कुठून असे प्रश्न नागरिकांना पडले आहेत.
