लसीकरणासाठी महानगरपालिकेनं ई टोकन प्रणाली सुरु करावी- आ.ऋतुराज पाटील
कोल्हापूर :शहरातील सर्व नागरिकांना सुलभ आणि सोयीस्कररित्या लसीकरण करता यावे यासाठी महानगरपालिकेने ई टोकन प्रणाली उपलब्ध करुन सुरु करावी अशी सूचना आमदार ऋतुराज पाटील यांनी केली आहे.कोल्हापूर महानगरपालिका क्षेत्रातील कोरोना प्रतिबंधात्मक उपाययोजना आणि लसीकरण संदर्भात महानगरपालिका अधिकार्‍यांसोबत आढावा बैठक घेण्यात आली.त्यावेळी त्यांनी ही सूचना केली.वयोवृध्दां साठी ऑफलाईन टोकन पद्धत राबवावी अशी सूचनाही त्यांनी केली .
लसीकरण केल्यानंतर पुढील साठ दिवस रक्तदान करता येत नाही.त्यामुळे पुढील काळात रक्ताचा तुटवडा भासू नये यासाठी जिल्ह्यातील अठरा वर्षां वरील सर्वांनी लसीकरण करण्या अगोदर रक्तदान करावं असे आवाहनी आमदार ऋतुराज पाटील यांनी केले.कोरोना प्रतिबंधक उपाययोजना आणि लसीकरणा संदर्भात आयोजित करण्यात आलेल्या या बैठकीत वय वर्षे 45 ते 60 आणि 60 वर्षावरील उर्वरित नागरिकांचे लसीकरण लवकरात लवकर करण्या संदर्भात सविस्तर चर्चा करण्यात आली.आतापर्यंत साधारणपणे ब्याएैंशी हजाराहून अधिक नागरिकांना लसीकरण करण्यात आले आहे.एक मे पासून अठरा वर्षा वरील सर्व नागरिकांचे लसीकरण करण्यास सुरुवात करण्यात येणार आहे.गर्दी न करता सोशल डिस्टन्सींगच्या नियमांचं पालन करुन लसीकरण करता यावे यासाठी महानगरपालिकेने ई टोकन प्रणाली सुरु करावी अशी सूचना आमदार ऋतुराज पाटील यांनी केली.एक मे नंतर कोल्हापूरात लस कमी पडू नये यासाठी केंद्र आणि राज्य सरकारशी पत्रव्यवहार करुन पुरेशी लस उपलब्ध करण्यासाठी प्रयत्नशील असल्याचे त्यांनी सांगितले.
शहरातील सर्व नागरिकांना सुलभ आणि सोयीस्कररित्या लसीकरण करता येईल अशा पध्दतीने योग्य आणि काटेकोर नियोजन करण्याच्या सूचना त्यांनी यावेळी अधिकार्‍यांना केल्या.या बैठकीला उपायुक्त निखिल मोरे,रविकांत अडसूळ,आरोग्याधिकारी डॉ.पोळ,वैद्यकीय अधिकारी डॉ.अमोल माने आदी उपस्थित होते.
