आज : खग्रास चंद्रग्रहण
कोल्हापूर :
आज बुधवारी, वैशाख पौर्णिमा,असून 26 मे रोजी दुपारी 3.15 ते सायंकाळी 6.23 दरम्यान वर्षातील पहिले खग्रास चंद्रग्रहण होणार आहे. हे ग्रहण भारतात बहुतांश भागात दिसणार नाही. मात्र भारतातील अति-पूर्वेकडील राज्यांमध्ये काही प्रमाणात ग्रहण पाहण्यात येऊ शकते.
यावेळी चंद्र पृथ्वीच्या अत्यंत जवळ येणार असल्याने सुपरमून भारतातून दिसेल. चंद्र हा पृथ्वीपासून सुमारे 3 लाख 84 हजार किलोमीटरवर आहे. 26 मे रोजी तो 3 लाख 57 हजार किलोमीटरवर येणार आहे. त्यामुळे तो मोठा आणि जास्त तेजस्वी दिसेल.
