व्यवस्थापन खर्चात वाढ केल्याबद्दल दूध संस्था कर्मचारी संघटनेमार्फत गोकुळचे चेअरमन व संचालक मंडळाचा सत्कार
कोल्हापूर :
गोकुळ दूध संघाशी संलग्न प्राथमिक दूध संस्था कर्मचारी संघटनेमार्फत जिल्ह्यातील १ एप्रिल २०२४ पासून गोकुळ सलंग्न प्राथमिक दूध संस्थांच्या व्यवस्थापन खर्चामध्ये प्रतिलिटर १० पैसे व संस्था कर्मचारी यांना प्रोत्साहन पर रक्कमेत प्रतिलिटर ५ पैसे (वार्षिक १० ते ११ कोटी रुपये) वाढीचा निर्णय संचालक मंडळाने घेतले बद्दल गोकुळचे चेअरमन अरुण डोंगळे व जेष्ठ संचालक विश्वास पाटील तसेच उपस्थित संचालक शशिकांत पाटील चुयेकर, बयाजी शेळके यांचा सत्कार संघटनेचे अध्यक्ष केरबा पाटील, शामराव पाटील, विश्वास पाटील यांच्या हस्ते व संघटनेचे सर्व पदाधिकारी यांच्या उपस्थितीत संघाच्या ताराबाई पार्क, कार्यालय येथे करण्यात आला.
यावेळी संघाचे चेअरमन अरुण डोंगळे म्हणाले की, गोकुळ संलग्न प्राथमिक दूध संस्था व दूध संस्थेमध्ये काम करणारे कर्मचारी वर्ग यांचा गोकुळच्या प्रगती मध्ये मोलाचे योगदान आहे. हिरक महोत्सवी वर्षानिमित्त गोकुळ संबंधित सर्व घटकांना लाभ देण्याचा प्रयत्न केला आहे. भविष्यात संघाच्या विविध योजनांची माहिती दूध उत्पादकापर्यंत पोहोचवून संघाच्या दूध वाढीसाठी सर्वांनी प्रयत्नशील राहावे असे आवाहन गोकुळचे चेअरमन अरुण डोंगळे यांनी केले.
यावेळी संघटनेच्या वतीने दूध संस्था कर्मचारी प्रोत्साहन रकमेत प्रति लिटर पाच पैसे अजून वाढ करनें संबंधी तसेच कामकाजातील अडीअडचणी संदर्भात चर्चा करण्यात आली.गोकुळचे जेष्ठ संचालक विश्वास पाटील यांनी मार्गदर्शन केले. या कार्यक्रमाचे स्वागत प्रास्ताविक संघटनेचे अध्यक्ष केरबा पाटील यांनी केले. तर आभार संघटनेचे सेक्रेटरी विश्वास पाटील यांनी केले.
यावेळी संघाचे चेअरमन अरुण डोंगळे, ज्येष्ठ संचालक विश्वास पाटील, संचालक शशिकांत पाटील चुयेकर, बयाजी शेळके, संघटनेचे अध्यक्ष केरबा पाटील, उपाध्यक्ष शामराव पाटील, सेक्रेटरी विश्वास पाटील, सुरेश जाधव, तानाजी गुरव, सरदार देसाई, संजय पानारी, मंगेश बेडकळ,रामचंद्र चौगले, शिवाजी शिंदे, सूनिल विभूते,रमेश पाटील, संजय हाळदकर,आबासो पाटील, दिनकर कोतेकर, मोहन धुंदरे, शिवाजी गायकवाड व संघटनेचे कर्मचारी उपस्थित होते.
