लंम्‍पीस्कीन या आजाराने त्रस्त असलेल्या जनावरांच्या गोठ्यावर गोकुळचे चेअरमन विश्वास पाटील यांची भेट
कोल्हापूर : अतिग्रे, चौगलेवाडी (ता. हातकणंगले) येथील दूध उत्पादकांच्या जनावरांना लागण झालेल्या
‘लंम्‍पीस्कीन त्‍वचारोग’ बाधित जनावराची पाहणी कोल्हापूर जिल्हा सहकारी उत्पादक संघाचे चेअरमन विश्वास पाटील, संचालक डॉ.सुजित मिणचेकर, कार्यकारी संचालक योगेश गोडबोले व वैद्यकीय अधिकारी यांनी केली.
यावेळी बोलताना संघाचे चेअरमन विश्वास पाटील म्हणाले कि लंम्‍पीस्कीन हा रोग जनावरांच्या त्वचे संबंधीत आजार असून हा संसर्गजन्य रोग आहे. त्याचा प्रसार झपाट्याने होत आहे यामुळे जनावरांच्या दूध उत्पादनावर परिणाम होत आहे. तसेच अति प्रमाणात लागण झालेले जनावर दगावण्याची शक्यता आहे. यामुळे दूध उत्पादकांनी आजारी जनावरे व इतर जनावरे एकाच गोट्यातून बाजूला करावीत. दूध उत्पादकानी आजारग्रस्त जनावरांची सेवा करताना हात मोजे वापरावेत अशा सूचना दिल्या तसेच संघाच्या व सरकारी पशुवैद्यकीय अधिकाऱ्यांच्या सल्याने औषध उपचार करणे फार गरजेचे आहे.हा आजार रोखण्यासाठी गोकुळचे वैद्यकीय पथक तयार करून उपयायोजना त्या दूध उत्पादकांच्या गोठ्यावर जाऊन उपचार केले जाणार आहेत.तसेच संघाशी सलग्न सर्व दूध संस्थाना या त्वचारोगाबद्दल माहिती व त्यावर उपाय असलेले परिपत्रक संघाच्या पशुसंवर्धन विभागामार्फत संस्थाना पाठवले जाणार आहे.अतिग्रे येथील चौगलेवाडी येथील अजित विलास चौगुले, दादा चौगुले, आदित्य काकासो चौगुले, दिनकर रामू पाटील, उदय श्रीधर पाटील, सखाराम गोपाळ मुसळे, काकासो कल्लाप्पा चौगुले, चंद्रशेखर माणिक पाटील या दूध उत्पादकांच्या गोठ्यावर जाऊन जनावरांची पाहणी केली.
यावेळी गोकुळ दूध संघाचे चेअरमन विश्वास पाटील, संचालक डॉ.सुजित मिणचेकर,कार्यकारी संचालक योगेश गोडबोले, पशुसंवर्धन व्यवस्थापक डॉ.यु.व्ही.मोगले, सहा.व्यवस्थापक डॉ.पी.व्ही.दळवी, जनसंपर्क अधिकारी सचिन पाटील, दूध संकलन अधिकारी आर.एन. पाटील, विस्तार पर्यवेक्षक विक्रम पाटील यांच्यासह गावातील दूध संस्थेचे पदाधिकारी उपस्थित होते
