मॅन्युअर मॅनेजमेंट प्रोजेक्ट अंतर्गत गोकुळच्या बायोगॅस प्रकल्पाचे उद्घाटन
कोल्हापूर:ता.२३: कोल्हापूर जिल्हा सहकारी दूध उत्पादक संघ (गोकुळ) एन.डी.डी.बी.व सस्टेन प्लस यांच्या संयुक्त विद्यमाने मॅन्युअर मॅनेजमेंट प्रोजेक्ट अंतर्गत बायोगॅस प्रोजेक्ट कोल्हापूर जिल्ह्यातील दूध उत्पादक महिलांसाठी राबवण्यात येत आहे. या बायोगॅस प्रकल्पाचे उद्घाटन इस्पुर्ली ता. करवीर येथे गोकुळचे चेअरमन विश्वास पाटील यांच्या शुभहस्ते व सर्व संचालक मंडळाच्या उपस्थितीत पार पडले.
या प्रोजेक्ट अंतर्गत निवडक गावांमध्ये बायोगॅस बसवले असून या बायोगॅस चे वैशिष्ट असे की या बायोगॅस ला ४५ ते ५० किलो शेण प्रतिदिन व ५० लिटर पाणी मिक्स करून घालायचे. यातुन तयार होणारा गॅस स्वयपाक साठी वापरता येतो, त्यामुळेच शेतकरी कुटुंब ५ ते ६ लोकांचे जेवण तयार होते महिन्याच्या दीड सिलेंडर ची रक्कम म्हणजे रु १५०० मासिक बचत होते. यामधून प्रतिदिनी ५० लिटर मिळणारी स्लरी गोकुळ कडून सरासरी १ रुपये प्रमाणे विकत घेतली जाणार आहे. म्हणजे रोज ५० रुपये स्लरी(द्रवरूप शेणखत) चे महिन्याला रुपये १५०० दूध उत्पादकला स्लरी पासून मिळणार आहेत. बायोगॅस मधून इंधना साठी गॅसनिर्मिती व त्यातून बाहेर पडणारी स्लरी (द्रवरूप शेणखत) शेती साठी उत्तम खत म्हणून वापरता येईल याशिवाय सर्वात महत्वाचे रासायनिक खता ऐवजी या स्लरीचा वापर सेंद्रिय खत म्हणून शेतीसाठी वापर करता होईल. असा हा प्रोजेक्ट एन. डी.डी.बी अंतर्गत महाराष्ट्रामध्ये सर्वप्रथम कोल्हापूर जिल्हा सहकारी दूध उत्पा. संघामार्फत राबवला जात आहे.
यावेळी बोलताना चेअरमन विश्वास पाटील म्हणाले कि गोकुळ ने नेहमीच ग्रामीण दूध उत्पादक महिलांना केंद्र बिंदू मानून नेहमीच महिला दूध उत्पादकांना न्याय देण्याचा प्रयत्न केला आहे. गोकुळने सातत्याने दूध उत्पादक महिलांसाठी दूध व्यवसायाचे प्रशिक्षणातून मार्गदर्शन करून किफायतशीर दूध व्यवसाय करण्यासाठी विविध सेवा सुद्धा पुरवल्या जातात. गोकुळ दूध संघ, एन.डी.डी.बी. व सस्टेन प्लस यांच्या संयुक्त विद्यमाने मॅन्युअर मॅनेजमेंट प्रोजेक्ट अंतर्गत ग्रामीण महिलांना पशुपालन व्यवसाया मधून दूध उत्पादना बरोबरच चांगल्याप्रकारेघरगुती वापरासाठी इंधन व शेतीसाठी सेंद्रिय खत मिळणार असून महिला दूध उत्पादकांना आर्थिकफायदा होणार आहे. असे मनोगत व्यक्त केले.
या कार्यक्रमा अंतर्गत चुये, वडकशिवाले, कावणे, निगवे खालसा, इस्पुर्ली, येवती, म्हाळुंगे, बाचणी या ठिकाणी १२० बायोगॅस बसवण्यात आले असून या लाभार्थीचे प्रशिक्षण शिबीराचे आयोजन चुये तालुका करवीर येथे करण्‍यात आले होते. या कार्यक्रमाचे स्‍वागत गोकुळ चे संचालक शशीकांत पाटील –चुयेकर यांनी केले. प्रोजेक्ट माहिती सौ. निता कामत यांनी दिली. मनोगत जेष्‍ठ संचालक अरूण डोंगळे, संचालक अजित नरके, एन.डी.डी.बी.चे अधिकारी श्री निरंजन कराडे यांनी केली. आभार इस्पुर्ली येथे महिला दूध उत्पादक सौ. छाया दिलीप कुराडे यानी मानले.
यावेळी संघाचे चेअरमन विश्वास पाटील, माजी चेअरमन व जेष्‍ठ संचालक अरूण डोंगळे, संचालक बाबासाहेब चौगले,अजित नरके, शशिकांत पाटील–चुयेकर, नंदकुमार ढेंगे, प्रकाश पाटील, बयाजी शेळके, बाळासो खाडे, संचालिका श्रीमती अंजना रेडेकर, कार्यकारी संचालक योगेश गोडबोले, एन.डी.डी.बी.चे अधिकारी श्री निरंजन कराडे, श्री पटेल, सस्टेन प्लस चे श्री धर्मेंद्रकुमार, सिस्टीमा चे अधिकारी, गोकुळच्या महिला नेतृत्‍व अधिकारी सौ.निता कामत,संघाचे अधिकारी,महिला दूध उत्पादक, इस्पुर्ली चे ग्रामस्थ उपस्थित होते.
