कोल्हापूर :
जिल्ह्यात कोविड-19 संसर्गाचा वाढता प्रादुर्भाव रोखण्यासाठी दिनांक 30 एप्रिल 2021 अखेर लॉकडाऊनच्या मुदतीत जिल्हाधिकारी दौलत देसाई यांनी मार्गदर्शक सूचना निर्गमित केल्या आहेत.
जिल्ह्यात कोव्हिड 19 साथ रोगाचा प्रादुर्भाव वाढत चालला आहे. जिल्ह्यातील लॉकडाऊनची मुदत दिनांक 15 एप्रिल 2021 रोजी रात्री 12.00 वा. पर्यंत वाढविण्यात आलेली आहे व काही मार्गदर्शक सुचना निर्गमित करण्यात आलेल्या आहेत. तसेच यापुर्वीच्या आदेशात नमुद केलेली प्रतिबंधित / बंद क्षेत्रे व सुट / वगळण्यात आलेली क्षेत्रे कायम ठेवण्यात आलेली आहेत. कोरोना संसर्ग रोखण्यासाठी राज्य शासनाने दिनांक 30 एप्रिल 2021 अखेर काही कडक निर्बंध लावण्याबाबत निर्देश दिलेले आहेत.
1. फौजदारी प्रक्रिया संहिता (Cr.P.C.)कलम 144 आणि रात्री संचारबंदी लागू करणे.
अ) कोल्हापूर जिल्हयामध्ये कलम 144 या आदेशाच्या दिनांकापासून लागू करण्यात येत आहे.
ब) सोमवार ते शुक्रवार सकाळी 7.00 ते रात्री 8.00 वाजेपर्यत, 5 पेक्षा जास्त लोकांना कोणत्याही सार्वजनिक ठिकाणी एकत्र फिरण्यास अथवा एकत्र जमा होण्यास प्रतिबंध असेल.
क) वरील कालावधी वगळता, उर्वरित कालावधीसाठी म्हणजेच सोमवार ते शुक्रवार रात्री 8.00 ते सकाळी 7.00 पर्यत आणि शुक्रवार रात्री 8.00 ते सोमवार सकाळी 7.00 वाजेपर्यंत सार्वजनिक ठिकाणी कोणत्याही नागरिकांस वैध कारणाशिवाय फिरण्यास किंवा खालील नमुद कारणास्तव दिलेल्या परवानगीशिवाय फिरता / वावरता (संचारबंदी) येणार नाही.
ड) वैद्यकीय तसेच इतर अत्यावश्यक सेवा यामधून वगळणेत येत आहेत आणि यासाठी होणाऱ्या हालचाली किंवा संचार प्रतिबंधीत असणार नाहीत.
इ) अत्यावश्यक सेवेमध्ये पुढील गोष्टीचा समावेश असेल –
I) रुग्णालय, रोग निदान केंद्र, क्लिनिक्स, वैद्यकीय विमा कार्यालये, औषध दुकाने, औषधे निर्मिती उद्योग इतर वैद्यकीय आणि आरोग्य सेवा.
II) किराणा सामान दुकाने, भाजीपाला दुकाने, दुध डेअरी, बेकरी, मिठाई, खाद्य दुकाने.
III) सार्वजनिक वाहतुक व्यवस्था जसेकी, रेल्वे, टॅक्सी, ऑटो रिक्षा आणि सार्वजनिक बसेस.
IV) विविध देशांच्या परराष्ट्र संबंध विषयक कार्यालयांच्या सेवा.
V) स्थानिक प्राधिकरणाकडून करण्यात येणाऱ्या सर्व मान्सून पूर्व उपक्रम व सेवा.
VI) स्थानिक प्राधिकरणाव्दारे पुरविणेत येणाऱ्या सर्व सार्वजनिक सेवा .
VII) मालाची / वस्तुंची वाहतुक.
VIII) शेतीसंबधित सेवा .
IX) ई कॉमर्स.
X) मान्यताप्राप्त वृत्तपत्र आणि त्यांच्याशी संबंधित सेवा
XI) अत्यावश्यक सेवेशी संबंधीत सर्व प्रकारचे माहिती तंत्रज्ञान उद्योग / सेवा, स्थानिक आपत्ती व्यवस्थापन प्राधिकरणाव्दारे निश्चित केलेल्या अत्यावश्यक सेवा.
2. बाहेरील / सार्वजनिक ठिकाणच्या क्रिया –
अ) सर्व उद्याने / सार्वजनिक मैदाने सोमवार ते शुक्रवार रात्री 8.00 ते सकाळी 7.00 पर्यत आणि शुक्रवारी रात्री 8.00 ते सोमवार सकाळी 7.00 वाजेपर्यत बंद राहतील.
ब) सोमवार ते शुक्रवारी सकाळी 7.00 ते रात्री 8.00 या वेळेमध्ये येणाऱ्या अभ्यागतांनी कोव्हीड -19 बाबत कोविड प्रतिबंधात्मक उपाययोजनांचे काटेकोरपणे पालन करणे बंधनकारक राहील.
क) स्थानिक प्रशासनाने वर नमूद ठिकाणी बारकाईने निरिक्षण केले जात आहे, याची खात्री करावी आणि अशा ठिकाणी गर्दी निर्दशनास आल्यास, किंवा अभ्यागताकडून कोव्हीड 19 नियमांचे पालन केले जात नसलेमुळे कोव्हीड -19 विषाणू संसर्गाचा धोका निर्दशनास आल्यास स्थानिक प्रशासनाकडून वरील नमूद सार्वजनिक ठिकाणे तात्काळ बंद केली जातील.
3. दुकाने, बाजारपेठा आणि मॉल्स –
अत्यावश्यक सेवा वगळता, सर्व दुकाने, बाजारपेठा, मॉल्स, पुर्ण दिवस बंद राहतील.
अ) अत्यावश्यक सेवा असलेली दुकाने ही त्यांच्या परिसरामध्ये ग्राहकांच्यामध्ये योग्य सामाजिक अंतर राखून सुरू राहतील. ज्यादा ग्राहक असतील, त्या ठिकाणी चिन्हाकिंत करून, ग्राहकांना प्रतिक्षा कक्षात, ज्याठिकाणी पुरेसे सामाजिक अंतर राखले जाईल अशा ठिकाणी बसविले जाईल.
ब) भारत सरकारकडून देणेत आलेल्या मार्गदर्शक सूचनांनूसार आवश्यक सेवा असलेल्या दुकांनाचे मालक, त्यामध्ये काम करणारा कामगार वर्ग यांचे लवकारत लवकर लसीकरण करून घेण्यात यावे. सर्व अत्यावश्यक सेवांच्या दुकानामध्ये ग्राहकांशी संवाद साधताना सुरक्षा उपायांचे जसे की, पारदर्शक काचेमधून अथवा इतर सुरक्षा उपाय जसे की, फेसशिल्ड व ग्राहकांकडून ई पेमेंटद्वारेच रक्कम स्विकारणे इत्यादीचे पालन करणेत यावे.
क) या आदेशाने बंद करणेत आलेल्या सर्व प्रकारच्या दुकानामध्ये काम करणाऱ्या सर्व कामगारांचे भारत सरकारकडून देणेत आलेल्या मार्गदर्शक सूचनांनूसार लवकरात लवकर लसीकरण करून घेण्यात यावे. तसेच दुकान मालकांने दुकानामध्ये ग्राहकांशी संवाद साधणेसाठी सुरक्षा उपायांचे जसेकी, पारदर्शक काचेमधून अथवा इतर सुरक्षा उपाय, ऑनलाईन पेंमेंट इत्यादीचे पुर्वतयारी करणेत यावी, जेणेकरून शासनाकडून कोव्हीड -19 विषाणू संसर्गाची भिती न बाळगता, दुकाने सुरू करण्याबाबत तात्काळ निर्णय घेणे सोईस्कर होईल.
4. सार्वजनिक वाहतुक व्यवस्था –
सार्वजनिक वाहतुक व्यवस्था खालील निर्बधांचे पालन करत, पूर्ण क्षमतेने सुरू राहील.
ऑटो रिक्षा चालक + फक्त 2 प्रवासी
टॅक्सी ( चारचाकी वाहन) चालक + वाहनाच्या प्रवासी क्षमतेच्या 50 % (प्रादेशिक परिवहन विभागाकडील नियमानूसार )
बस प्रादेशिक परिवहन विभागाकडील नियमानूसार सर्व बसण्याच्या जागा असतील इतके प्रवासी .
कोणत्याही परिस्थितीत उभा राहून प्रवास करणेस प्रवाशांना परवानगी असणार नाही.
अ) सार्वजनिक वाहतुक व्यवस्थेचा वापर करणाऱ्या सर्व नागरिकांनी काटेकोरपणे योग्य पध्दतीने मास्कचा वापर करणे बंधनकारक असेल. या नियमांचे उल्लघंन करणारे रक्कम रुपये 500/- दंडास पात्र राहतील.
ब) चारचाकी टॅक्सी मध्ये जर एखाद्या प्रवाशांने मास्क वापरला नसेल, नियमांचे उल्लघन करणारा तो प्रवासी आणि चालक हे प्रत्येकी रक्कम रूपये 500/- दंडास पात्र राहतील.
क) प्रत्येक वेळी प्रवास पुर्ण करून आलेल्या वाहनांचे निर्जतुकीकरण करणे आवश्यक राहील.
ड) भारत सरकारकडून देणेत आलेल्या निर्देशानूसार सर्व सार्वजनिक वाहुतक व्यवस्थेमधील चालक तसेच इतर कर्मचारी वर्ग जो की नागरिकांच्या प्रत्यक्ष संपर्कात येत असेल, त्या सर्वाचे लवकरात लवकर लसीकरण करण्यात यावे. आणि लसीकरण पूर्ण होईपर्यत कोरोनाचे –Ve रिपोर्टचे प्रमाणपत्र 15 दिवसांसाठी वैध असलेले जवळ बाळगणे आवश्यक राहील. सदरचा नियम 10 एप्रिल, 2021 पासून लागू होईल. रिक्षा आणि टॅक्सीबाबत जर चालकाने प्लास्टिक शिटच्या माध्यमातून स्वता:चे विलगकरण केल्यास त्याला वरील नियमामधून सूट असेल.
इ) तपासणीमध्ये एखाद्या चालक किंवा कर्मचारी वर्ग हा –Ve RTPCR प्रमाणपत्र अथवा लसीकरण न घेता काम करत असलेला आढळल्यास, रक्कम रूपये 1000/- दंडास पात्र राहील.
ई) रेल्वेबाबत, रेल्वे प्रशासनाकडून प्रवासादरम्यान कोणताही प्रवासी रेल्वेच्या सामान्य डब्यामधून उभा राहून प्रवास करणार नाहीत, आणि सर्व प्रवासी मास्क वापरतील याची खात्री करावी.
ग) रेल्वेमध्ये प्रवास करणाऱ्या प्रवाशांकडून मास्क न वापरला असल्यास रक्कम रुपये 500/- दंड आकारला जाईल.
5. कार्यालये –
अ) खालील नमूद कार्यालये वगळता, सर्व खाजगी कार्यालये बंद राहतील.
i) सहकारी, सार्वजनिक आणि खाजगी बॅका, सार्वजनिक उपक्रम
ii) BSE / NSE
iii) विद्युत पुरवठा संबंधित कंपन्या
iv) Telecom सेवा पुरवठादार
v) विमा आणि मेडीक्लेम कार्यालये
vi) औषधे निर्मिती करणाऱ्या उद्योगांची कार्यालये जी, उत्पादनाच्या वितरणाशी संबंधित व्यवस्थापनाशी निगडीत आहेत.
vii) अत्यावश्यक सेवा व वरील बाबींशी संबंधीत माहिती / तंत्रज्ञान उद्योगांची / सेवा पुरवठादारांची कार्यालये.
ब) आवश्यकता असल्यास स्थानिक आपत्ती व्यवस्थापन प्राधिकरण आवश्यकतेनूसार एखाद्या कार्यालयास सुट देईल.
क) सर्व शासकीय कार्यालये 50 % क्षमतेनूसार सुरू राहतील. परंतू कोव्हीड -19 संसर्ग रोखणेबाबत कामकाज करणे आवश्यक असलेल्या कार्यालयासाठी त्यांच्या विभाग प्रमुख यांच्या निर्णयानूसार 100 % उपस्थिती अनिवार्य राहील.
ड) विद्युत, पाणी, बॅक व्यवहार आणि इतर आर्थिक सेवेशी संबंधित शासकीय कार्यालये तसेच शासकीय महामंडळे ही पूर्ण क्षमतेने कार्यरत राहतील.
इ) सर्व शासकीय कार्यालये अथवा शासकीय महामंडळे यांच्या मार्फत घेणेत येणाऱ्या कार्यालयातील कर्मचारी व्यतिरिक्त इतर कर्मचाऱ्यांची बैठक ऑनलाईन घेणेत यावी.
ई) कोणत्याही शासकीय कार्यालये अथवा शासकीय महामंडळे येथे अभ्यागतांना प्रवेश बंद राहील. अभ्यागतांसाठी ऑनलाईन सेवा तात्काळ सेवा सुरू करणेत याव्यात.
ग) शासकीय कार्यालयाबाबत अपवादात्मक परिस्थितीत त्या शासकीय कार्यालयाचे विभाग प्रमुख यांच्या परवानगीने 48 तासांचे आतील – Ve RTPCR प्रमाणपत्र असलेस, अशाच अभ्यागतांसाठी पास देवून प्रवेश देता येईल.
ह) भारत सरकारकडील निर्देशानूसार खाजगी आणि सरकारी कार्यालयातील सर्वांचे लवकरात लवकर लसीकरण पुर्ण करावे. जेणेकरून कोव्हीड -19 विषाणू संसर्गाची भिती न बाळगता, शासनास कार्यालये सुरू करणेबाबत निर्णय घेणे सोईस्कर होईल.
6. खाजगी वाहतुक व्यवस्था –
खाजगी वाहने तसेच खाजगी बस सेवा, सोमवार ते शुक्रवार सकाळी 7.00 ते रात्री 8.00 या वेळेमध्ये सुरू राहतील आणि फक्त अत्यावश्यक सेवा अथवा निकडीच्या वेळी उर्वरित कालावधीसाठी म्हणजेच (सोमवार ते शुक्रवार रात्री 8.00 ते सकाळी 7.00 पर्यत आणि शुक्रवार रात्री 8.00 ते सोमवार सकाळी 7.00 वाजेर्पत) सुरू राहतील.
खाजगी बसेस यांनी खालील निर्देशांचे पालन करणे बंधनकारक असेल.
अ) खाजगी बसेस मधून बसणेच्या क्षमते इतकेच प्रवासी प्रवास करू शकतील. उभा राहून एकाही प्रवाशाला प्रवास करणेस परवानगी असणार नाही.
ब) सर्व खाजगी वाहुतक व्यवस्थेमधील चालक तसेच इतर कर्मचारी वर्ग जो की नागरिकांच्या प्रत्यक्ष संपर्कात येत असेल, त्या सर्वाचे भारत सरकारच्या निकषाप्रमणे लवकरात लवकर लसीकरण करणेत यावे. आणि लसीकरण पूर्ण होईपर्यत कोरोनाचे –Ve रिपोर्टचे प्रमाणपत्र 15 दिवसांसाठी वैध असलेले जवळ बाळगणे आवश्यक राहील. सदरचा नियम 10 एप्रिल, 2021 पासून लागू होईल.
7. मनोरंजन आणि करमणूक विषयक –
अ) सिनेमा हॉल बंद राहतील.
ब) नाटयगृहे आणि प्रेक्षागृहे बंद राहतील.
क) मंनोरंजन पार्क, आर्केडस्, व्हिडीओ गेम्स पार्लर्स बंद राहतील.
ड) वॉटर पार्क बंद राहतील.
इ) क्लब, जलतरण तलाव, व्यायामशाळा आणि क्रिडा संकुले बंद राहतील.
ई) वरील आस्थापनाशी निगडीत व्यक्ती / कामगार वर्ग या सर्वांचे भारत सरकारकडील निकषाप्रमाणे लवकरात लवकर लसीकरण पुर्ण करावे, जेणेकरून कोव्हीड -19 विषाणू संसर्गाची भिती न बाळगता, शासनास कार्यालये सुरू करणेबाबत निर्णय घेणे सोईस्कर होईल.
ग) चित्रपट / मालिका / जाहिराती यांचे चित्रीकरणास खालील अटीवर परवानगी असेल.
i) मोठया संख्येने कलाकार एकत्र येतील अशा प्रकारच्या दृश्याचे चित्रिकरण करणे प्रतिबंधीत असेल.
ii) चित्रिकरणाशी निगडीत सर्व कामगार वर्ग / कलाकार या सर्वाना 15 दिवसांसाठी वैध असलेले कोरोनाचे –Ve प्रमाणपत्र जवळ बाळगणे आवश्यक राहील. सदरचा नियम 10 एप्रिल, 2021 पासून लागू होईल.
iii) कलाकार आणि संबंधित कामगार वर्ग यांचेसाठी Quarantine Bubble तयार करणेस आलेस, सदर Quarantine Bubble मध्ये प्रवेश करणेपूर्वी कोरोनाचे –Ve प्रमाणपत्र सादर केलेनंतर स्थानिक आपत्ती व्यवस्थापन प्राधिकरणाकडून अटी व शर्तीवर परवानगी देणेत येईल.
8. रेस्टॉरंट, बार आणि हॉटेल्स विषयक –
अ) हॉटेलच्या आतील आवारामध्ये वास्तव्यास असलेल्या प्रवाशांसाठीचे रेस्टॉरंट आणि बार वगळता सर्व रेस्टॉरंट आणि बार बंद राहतील.
ब) सोमवार ते शुक्रवार या दिवशी सकाळी 7.00 ते रात्री 8.00 या वेळेमध्ये पार्सल सुविधा/ घरपोच सेवा / Take Away सुविधा या सुरू राहतील. शनिवार व रविवार या दिवशी फक्त घरपोच पार्सल सेवा सकाळी 7.00 ते रात्री 8.00 वाजेपर्यत सुरू राहतील,आणि कोणत्याही नागरिकांस या सेवा घेण्यासाठी कोणत्याही रेस्टॉरंट आणि बार या ठिकाणी जाता येणार नाही.
क) हॉटेलमध्ये उतरलेल्या प्रवाशांसाठी फक्त हॉटेलमधील रेस्टॉरंट आणि बार सुरू राहतील. कोणत्याही परिस्थितीत बाहेरील प्रवाशांसाठी या सेवेचा लाभ देता येणार नाही. बाहेरील प्रवाशांसाठी वर नमूद केलेले रेस्टॉरंट आणि बारसाठीही प्रतिबंधाचे पालन केले जाईल.
ड) घरपोच सेवेशी संबंधित कामगार वर्गाचे भारत सरकारकडील निकषाप्रमाणे लवकरात लवकर लसीकरण पुर्ण करावे, लसीकरण झालेले नसल्यास सर्वानी 15 दिवसांसाठी वैध असलेले कोरोनाचे –Ve प्रमाणपत्र जवळ बाळगणे आवश्यक राहील. सदरचा नियम 10 एप्रिल, 2021 पासून लागू होईल.
इ) RTPCR Test प्रमाणपत्र किंवा लसीकरण केलेले नाही अशा कामगार वर्गाने घरपोच सेवा दिल्यास त्यांना 10 एप्रिल, 2021 पासून सदर नियमाचा भंग केल्या बद्दल रक्कम रुपये 1000/- दंड आणि संबंधित आस्थापनेकडून रक्कम रूपये 10,000/- दंड आकारला जाईल. वारंवार या सुचनेचा भंग केल्यास वा असे कृत्य वारंवार घडल्यास सदर आस्थापनेचा परवाना कोव्हिड-19 साथीची अधिसूचना आहे तो पर्यंत रद्द करण्यात येईल.
ई) भारत सरकारकडील निकषाप्रमाणे सर्व रेस्टॉरंट आणि बार आस्थापनामध्ये काम करणारे व्यक्ती / कामगार वर्ग या सर्वांचे लवकरात लवकर लसीकरण पुर्ण करावे, जेणेकरून कोव्हीड -19 विषाणू संसर्गाची भिती न बाळगता, शासनास रेस्टॉरंट आणि बार सुरू करणेबाबत निर्णय घेणे सोईस्कर होईल.
9. धार्मिक / प्रार्थना स्थळे –
अ) सर्व धर्मिय धार्मिक / प्रार्थना स्थळे बंद राहतील.
ब) सर्व धार्मिक आणि प्रार्थना स्थळामध्ये धार्मिक सेवा करणारे सेवेकरी यांना त्यांच्या पारंपारीक आणि धार्मिक सेवा करता येतील. परंतू यावेळी कोणत्याही बाहेरील भक्तांस प्रवेश असणार नाही.
क) धार्मिक आणि प्रार्थना स्थळामध्ये सेवा देणारे सेवेकरी यांचे भारत सरकारकडील निकषाप्रमाणे लवकरात लवकर लसीकरण पुर्ण करावे, जेणेकरून कोव्हीड -19 विषाणू संसर्गाची भिती न बाळगता, शासनास धार्मिक / प्रार्थना स्थळे सुरू करणेबाबत निर्णय घेणे सोईस्कर होईल.
- केशकर्तनालय दुकाने / स्पा / सलून / ब्युटी पार्लरस –
अ) सर्व केशकर्तनालय दुकाने / स्पा / सलून / ब्युटी पार्लरस बंद राहतील.
ब) भारत सरकारकडील निकषाप्रमाणे सर्व केशकर्तनालय दुकाने / स्पा / सलून / ब्युटी पार्लरस मधील कामगार वर्ग यांचे लवकरात लवकर लसीकरण पुर्ण करावे, जेणेकरून कोव्हीड -19 विषाणू संसर्गाची भिती न बाळगता, शासनास सर्व केशकर्तनालये दुकाने / स्पा / सलून / ब्युटी पार्लरस सुरू करणेबाबत निर्णय घेणे सोईस्कर होईल.
11. वृत्तपत्रे संबंधित –
अ) सर्व वृत्तपत्रांची छपाई आणि वितरण सुरू राहील.
ब) वृत्तपत्रांची घरपोच सेवा ही आठवडयातील सर्व दिवशी सकाळी 7.00 ते रात्री 8.00 यावेळेमध्ये करता येईल.
क) सर्व वृत्तपत्रामधील कामगार वर्ग यांचे भारत सरकारकडील निकषाप्रमाणे लवकरात लवकर लसीकरण पुर्ण करावे, वृत्तपत्राची घरपोच सेवा देणाऱ्या सर्व वृत्तपत्र विक्रेत्यांनी 15 दिवसांसाठी वैध असलेले कोरोनाचे –Ve प्रमाणपत्र जवळ बाळगणे आवश्यक राहील. सदरचा नियम 10 एप्रिल, 2021 पासून लागू होईल.
- शाळा आणि महाविद्यालये –
अ) सर्व शाळा आणि महाविद्यालये बंद राहतील.
ब) वरील नियमामधून 10 वी आणि 12 वीच्या परीक्षा देणाऱ्या विद्यार्थ्याना सूट असेल. परीक्षा घेणाऱ्या सर्व शिक्षक आणि शिक्षकेतर कर्मचारी यांनी लसीकरण करून घेणे किंवा 48 तासापर्यत वैध असलेले कोरोनाचे –Ve RTPCR Test प्रमाणपत्र जवळ बाळगणे आवश्यक राहील.
क) महाराष्ट्र राज्याबाहेरील कोणत्याही परिक्षा मंडळ, विद्यापीठ अथवा प्राधिकरणाकडून कोल्हापूर जिल्हयातील विद्यार्थ्यासाठी कोणताही त्रास होऊ न देता, स्थानिक आपत्ती प्राधिकरणाकडून परवानगी घेऊन परिक्षा घेता येतील.
ड) सर्व प्रकारचे खाजगी कोचिंग क्लासेस बंद राहतील.
इ) वरील नमूद आस्थापनामधील शिक्षक आणि शिक्षकेतर वर्ग यांचे भारत सरकारकडील निकषाप्रमाणे लवकरात लवकर लसीकरण पुर्ण करावे, जेणेकरून कोव्हीड -19 विषाणू संसर्गाची भिती न बाळगता, शासनास सर्व शाळा महाविद्यालये आणि कोंचिग क्लासेस सुरू करणेबाबत निर्णय घेणे सोईस्कर होईल.
13. धार्मिक, सामाजिक, राजकीय आणि सांस्कृतिक कार्यक्रम –
अ) कोणत्याही प्रकारचे धार्मिक, सामाजिक, राजकीय आणि सांस्कृतिक कार्यक्रम यांना परवानगी असणार नाही.
ब) ज्या जिल्हयामध्ये निवडणूका प्रस्तावित असतील, त्या ठिकाणी राजकीय सभा / मेळावे घेण्यास खालील अटी व शर्तीस अधीन राहून जिल्हाधिकारी यांचेकडून परवानगी देणेत येईल.
i) भारत निवडणूक आयोगाने दिलेल्या मार्गदर्शक सूचनेनूसार संबंधित राजकीय मेळावे / सभा यांना बंदिस्त सभागृहासाठी 50 पेक्षा जास्त नाही किंवा सभागृहाच्या बैठक क्षमतेच्या 50 % चे अधीन राहून आणि खुल्या ठिकाणी 200 पेक्षा जास्त नाही किंवा खुल्या ठिकाणच्या क्षमतेच्या 50 % या पैकी कमी असेल त्या क्षमतेच्या अधिन राहून सर्व कोव्हीड -19 शिष्टाचाराचे पालन केले जाईल, या अटीवर परवानगी देणेत येईल.
ii) संबंधित परवानगी देणेत आलेल्या राजकीय सभा / मेळावे संबंधित क्षेत्राचे त्या त्या स्थानिक प्राधिकरणाकडून किंवा नेमलेल्या अधिकारी यांचेमार्फत योग्य नियमांचे पालन केले जात असलेची खात्री केली जाईल.
iii) सदर ठिकाणी कोव्हीड -19 शिष्टाचाराचे उल्लंघन झालेस संबंधित ठिकाणचा जागा मालक हा यासाठी जबाबदार राहील आणि आपत्ती व्यवस्थापन अधिनियम 2005 नूसार दंडास पात्र राहील. गंभीर प्रकारचे उल्लंघन झाल्यास सदर ठिकाण हे कोव्हीड -19 साथ संपेपर्यत बंद करण्यात येईल.
iv) एखाद्या उमेदवारांच्या दोन पेक्षा जास्त राजकीय सभा आणि मेळाव्यामध्ये सदर बाबींचे उल्लंघन झालेस, पुन्हा सदर उमेदवाराच्या राजकीय सभा / मेळाव्यास परवानगी दिली जाणार नाही.
v) कोणत्या प्रकारचे मिरवणूका, कोपरा सभा या ठिकाणी कोव्हीड -19 प्रतिबंधात्मक उपाययोजनांचे पालन करणे बंधनकारक असेल.
vi) वरील सर्व मार्गदर्शक सूचना या निवडणूक प्रक्रियेमध्ये असलेल्या सर्वासाठी समान राहतील. तसेच कोणत्याही प्रकारच्या तक्रारी होणार नाहीत, याविषयी दक्षता घेणे.
क) लग्नसमारंभ यांना जास्तीत जास्त 50 व्यक्तींच्या उपस्थितीत परवानगी असेल.
i) लग्नसमारभांमध्ये येणाऱ्या अभ्यागतांसाठी सेवा देणाऱ्या सर्व कामगार वर्गाचे लसीकरण करणे बंधनकारक असेल आणि जोपर्यत लसीकरण पूर्ण होत नाही, तोपर्यत वैध – Ve RTPCR Test प्रमाणपत्र सोबत बाळगणे बंधनकारक राहील.
ii) – Ve RTPCR Test प्रमाणपत्र व लसीकरण केलेले नाही अशा सेवा देणारा व्यक्ती निर्दशर्नास आल्यास त्यास रक्कम रूपये 1000/- दंड आकारला जाईल आणि संबंधित आस्थापना मालकास रक्कम रूपये 10,000/- दंड आकारला जाईल.
iii) लग्नसमारंभ आयोजित केले जात असलेल्या हॉलच्या परिसरामध्ये पुन्हा पुन्हा उल्लघंन झालेस सदर परिसर हा सिल केला जाईल, तसेच सदर ठिकाणी दिलेली परवानगी कोव्हीड -19 साथीची अधिसचूना संपेपर्यत रद्द केली जाईल.
ड) अंत्ययात्रेसाठी जास्तीत जास्त 20 लोकांना परवानगी असेल. सदर अंत्यविधी चे ठिकाणी असणाऱ्या कर्मचारी वर्गाचे लवकरात लवकर लसीकरण करावे. सदर कर्मचाऱ्यांस वैध – Ve RTPCR Test प्रमाणपत्र जवळ बाळगणे आवश्यक राहील.
14.रस्त्यावरील खाद्यपदार्थ विक्रते –
अ) रस्त्यावरील खाद्यपदार्थ विक्रेत्यांनी नागरिकांना त्याचठिकाणी खाद्यपदार्थ खाण्यास देवू नयेत – फक्त पार्सल सेवा व घरपोच सेवा सकाळी 07.00 वा ते रात्री 08.00 वा. यावेळेत सर्व दिवशी सुरु ठेवाव्यात.
ब) प्रतिक्षाधीन ग्राहकांना काऊंटर पासून दूर अंतरावर सामाजिक अंतर राखून उभे करावे.
क) सदर आदेशाचा भंग करणाऱ्या खाद्यपदार्थ विक्रेत्यावर साथरोग संपूर्ण संपेपर्यंत बंद ठेवणेची कार्यवाही करावी.
ड) ज्या व्यक्ती अशा प्रकारच्या कार्यात सहभागी असेल त्यानी भारत सरकारच्या निकषानुसार लसीकरण तात्काळ करुन घ्यावे व लसीकरण होत नाही तोपर्यंत नकारात्मक आरटीपीसीआर चाचणी प्रमाणपत्र सोबत बाळगावे. त्याची मुदत 15
दिवस असेल. सदर नियम 10 एप्रिल, 2021 पासून लागू होईल.
इ) स्थानिक प्रशासनाने / स्थानिक स्वराज्य संस्थेने सदर विक्रेत्यांवर प्रत्यक्ष किंवा सीसीटीव्हीद्वारे लक्ष ठेवावे. जे विक्रेते आणि ग्राहक सदर कोव्हीड -19 प्रतिबंधात्मक उपाययोजना विषयक नियमांचे उल्लंघन करतील, ते दंडनीय कारवाईस पात्र राहतील.
फ) जर विक्रते पुन्हा पुन्हा नियमांचे उल्लंघन करत असलेची स्थानिक प्रशासनाची खात्री झालेस व सदर विक्रते दंड करुनही नियमांचे उल्लंघन करत असतील तर त्यांचेवर निलंबनाची किंवा साथरोग आटोक्यात येई पर्यंत तात्पुरते किंवा कायम स्वरुपी बंद ठेवणेची कारवाई करणेत यावी.
15. उत्पादन क्षेत्र –
अ) खालील अटीस अधीन राहून उत्पादन क्षेत्र सुरु राहील.
ब) कारखाने व उत्पादक आस्थापना यांनी त्यांच्या कर्मचाऱ्यांना शरीराचे तापमान तपासूनच प्रवेश द्यावा.
क) सर्व कर्मचारी – व्यवस्थापन व त्याच प्रमाणे प्रत्यक्ष काम करणारे कर्मचारी – यांनी भारत सरकाराच्या निकषानुसार तात्काळ लसीकरण करुन घ्यावे.
ड) जर एखादा कर्मचारी / मजूर कोव्हीड सकारात्मक आढळला तर, त्याच्या सोबत निकट संपर्कात आलेल्या इतर कर्मचारी / मजूर यांना पगारी रजा देवून त्यांचे अलगिकरण करणेत यावे.
इ) ज्या कारखान्यात / आस्थापनेत 500 पेक्षा जास्त कर्मचारी काम करत असतील अशा कारखान्यांनी / आस्थापनांनी त्यांचे स्वत:चे अलगिकरण केंद्र स्थापन करावे.
फ) जर एखादा कर्मचारी कोव्हीड सकारात्मक आढळल्यास, सदर आस्थापनेचे संपूर्ण निर्जंतुकीकरण पूर्ण होत नाही तो पर्यंत सदर आस्थापना बंद ठेवणेत यावी.
ग) जेवण व चहाच्या वेळा वेगवेगळ्या ठेवण्यात याव्यात जेणे करुन गर्दी होणार नाही, तसेच एकत्र बसून जेवण करणेस मनाई असेल.
ह) सार्वजनिक स्वच्छतागृहांचे वारंवार निर्जंतुकीकरण करणेत यावे.
उ) सर्व कामगारांचे भारत सरकारच्या निकषानुसार तात्काळ लसीकरण करुन घ्यावे व लसीकरण होत नाही तोपर्यंत नकारात्मक आरटीपीसीआर चाचणी प्रमाणपत्र सोबत बाळगावे त्याची मुदत 15 दिवस असेल. सदर नियम 10 एप्रिल, 2021 पासून लागू होईल.
ज) जर एखादा कामगार कोव्हीड सकारात्मक आल्यास त्याला वैद्यकीय रजा देणेत यावी व त्याला कामावर गैरहजर या कारणास्तव कामावरुन कमी करता येणार नाही. सदर कामगार यांस पूर्ण पगारी वेतन देणेत यावे.
- ऑक्सिजन उत्पादन –
अ) सर्व औद्योगिक आस्थापनांना दिनांक 10 एप्रिल, 2021 नंतर ऑक्सिजन कच्चा माल म्हणून वापरता येणार नाही. तथापी योग्य कारणास्तव त्यांचे परवाना प्राधिकाऱ्याकडून पुर्व परवानगी घेवून वापर करता येईल. सर्व परवाना प्राधिकाऱ्यांनी अशा आस्थापनांकडील दिनांक 10 एप्रिल, 2021 नंतर ऑक्सिजनचा वापर थांबवावा किंवा त्याची पुर्व परवानगी घ्यावी.
ब) सर्व ऑक्सिजन उत्पादन करणाऱ्या आस्थापनांनी त्यांच्या उत्पादनापैकी 80% ऑक्सिजन साठा हा वैद्यकीय व औषधनिर्माणासाठीच राखीव ठेवणेचा आहे. त्यांनी त्यांचे ग्राहकांची नांवे व वापर दिनांक 10 एप्रिल, 2021 पासून प्रमाणीत करुन प्रसिध्द करावीत.
17. ई-कॉमर्स –
अ) ज्या व्यक्ती अशा प्रकारच्या कार्यात सहभागी असेल त्यानी भारत सरकारच्या निकषानुसार तात्काळ लसीकरण करुन घ्यावे व लसीकरण होत नाही तोपर्यंत नकारात्मक आरटीपीसीआर चाचणी प्रमाणपत्र सोबत बाळगावे. त्याची मुदत 15 दिवस असेल. नियम 10 एप्रिल, 2021 पासून लागू होईल.
ब) सदर आदेशाचा भंग करणाऱ्या आस्थापनांचा परवाना कोविड-19 चा प्रादुर्भाव साथ संपुष्टात येईपर्यंत रद्द करणेत येईल.
18. सहकारी गृह निर्माण संस्था –
अ) कोणत्याही सहकारी गृह निर्माण संस्थेत एका वेळी पाच कोरोना सकारात्मक अहवाल आलेल्या व्यक्ती आढळल्यास सदर सहकारी गृह निर्माण संस्था सुक्ष्म प्रतिबंधात्मक क्षेत्र म्हणून घोषित केले जाईल.
ब) अशा गृह निर्माण संस्थांनी त्यांच्या संस्थेच्या प्रवेशद्वारावर अभ्यागतांना प्रवेश बंदी असलेबाबतचा फलक लावणे बंधन कारक असेल.
क) सोसायटीमध्ये तयार करणेत आलेल्या सुक्ष्म प्रतिबंधात्मक क्षेत्रामध्ये कोणत्याही नागरिकांचा प्रवेश व बाहेर जाणे याबाबत सोसायटीमार्फत प्रतिबंध करणेचा आहे.
ड) जर एखाद्या गृह निर्माण संस्थेने उक्त नमुद निर्देशांचा भंग केल्यास पहिल्या वेळेस रक्कम रुपये 10000/- दंड करणेत येईल व दुसऱ्या वेळेस त्यापेक्षा जास्त दंड तेथील स्थानिक स्वराज्य संस्थांनी वेळोवेळी ठरविले प्रमाणे आकारणेत येईल. सदर आकारणेत आलेल्या दंडाच्या रक्कमेचा वापर हा सोसायटीमध्ये मार्गदर्शक सूचनांचे पालन करणेसाठी नेमणेत आलेल्या कामगारांच्या पगारासाठी करणेत येईल.
इ) सर्व सहकारी गृह निर्माण संस्थानी त्यांच्या संस्थेत वेळोवेळी येणाऱ्या व्यक्तींची ते जोपर्यंत लस घेत नाहीत तोपर्यंत आरटीपीसीआर चाचणी शासकीय निर्देशानुसार करावी.
19. बांधकाम विषयक क्रिया –
अ) ज्या बांधकाम क्षेत्रात बांधकामाशी संबंधीत कर्मचारी / मजूर यांना त्याच ठिकाणी राहणेची सोय आहे अशा बांधकाम व्यवसायास परवानगी असेल. अशा ठिकाणी साधन सामुग्री वाहतूकी व्यतिरिक्त कामगार व इतर वाहतूकीस परवानगी असणार नाही.
ब) ज्या व्यक्ती अशा प्रकारच्या कार्यात सहभागी असतील त्यानी भारत सरकारच्या निकषानुसार तात्काळ लसीकरण करुन घ्यावे व लसीकरण होत नाही तोपर्यंत नकारात्मक आरटीपीसीआर चाचणी प्रमाणपत्र सोबत बाळगावे. त्याची मुदत 15 दिवस असेल. सदर नियम 10 एप्रिल, 2021 पासून लागू होईल.
क) नियमांचे भंग करणाऱ्या बांधकाम व्यावसायिकांस रक्कम रुपये 10,000/- दंड आकारणेत येईल. तसेच पुन्हा पुन्हा नियमांचे उल्लघन झालेस सदर बांधकामाचे ठिकाण हे कोव्हीड -19 संसर्ग कमी होत नाही, तोपर्यत बंद करणेत येईल.
ड) एखादा कामगार हा कोव्हीड -19 विषाणू + Ve आढळून आल्यास त्याला वैद्यकीय रजा मंजूर करणेत यावी. त्याला कामावर गैरहजर या कारणास्तव कामावरुन कमी करता येणार नाही. सदर कामगार यांस पूर्ण पगारी वेतन देणेत यावे.
20. दंडनिय कारवाई –
अ) यापूर्वी इकडील दिनांक 27/03/2021 रोजीच्या आदेशामध्ये नमुद दंड या आदेशास संलग्न असून तो दिनांक 30/04/2021 पर्यत लागू राहील.
ब) जमा होणाऱ्या दंडाची रक्कम संबंधीत आपत्ती व्यवस्थान प्राधिकारणाकडे देणेत येईल. सदर दंडाच्या रक्कमेचा वापर कोव्हीड -19 प्रतिबंधात्मक उपायोजनासाठी करणेत येईल.
सदरचा आदेशांची अंमलबजावणी दिनांक 05 एप्रिल, 2021 चे रात्री 8.00 वाजलेपासून ते दिनांक 30 एप्रिल, 2021 चे रात्री 11.59 वाजेपर्यंत लागू राहील.
आदेशाचे पालन न करणाऱ्या कोणतीही व्यक्ती अथवा संस्थेवर भारतीय दंड संहीता 1860 (45) याच्या कलम 188, आपत्ती व्यवस्थापन अधिनियम 2005 व साथ रोग नियंत्रण कायद्यातील तरतुदी प्रमाणे फौजदारी कारवाई करण्यात येईल याची नोंद घ्यावी.
