कोल्हापूर विधान परिषदेसाठी : महाविकास आघाडीच्या प्रमुख नेत्यांची बैठक
कोल्हापूर ता १२
कोल्हापूर विधान परिषदेसाठी पालकमंत्री सतेज पाटील यांच्या निवडणूक नियोजनासाठी महाविकास आघाडीच्या प्रमुख नेत्यांची बैठक झाली . प्रत्येक तालुक्यात जाऊन तेथील मतदाराची भेट घेण्याचे निश्चित करण्यात आले.
विधानपरिषद निवडणुकीसाठी 10 डिसेंबर रोजी मतदान होत आहे. काँग्रेसकडून पालकमंत्री सतेज पाटील यांची उमेदवारी निश्चित आहे. निवडणूक जाहीर झाल्यानंतर पालकमंत्री सतेज पाटील आज कोल्हापुरात आले. त्यांनतर सायंकाळी पाच वाजता महाविकास आघाडीच्या प्रमुख नेत्यांची बैठक होऊन निवडणूक नियोजनाबाबत चर्चा झाली .
13 नोव्हेंबर पासून तालुकावार मतदारांच्या भेटीचे नियोजन करण्यात आले.
बैठकीला ग्रामविकासमंत्री हसन मुश्रीफ, खासदार संजय मंडलिक,आमदार पी एन पाटील, आमदार चंद्रकांत जाधव, आमदार राजेश पाटील, आमदार प्रकाश आबीटकर, आमदार राजूबाबा आवळे,आमदार ऋतुराज पाटील, माजी खासदार श्रीमती निवेदीता माने,
राष्ट्रवादीचे जिल्हाध्यक्ष ए वाय पाटील, शिवसेना जिल्हाप्रमुख विजय देवणे, संजय पवार , डी वाय पाटील ग्रुपचे अध्यक्ष डॉ संजय डी.पाटील, माजी आमदार के पी पाटील, माजी आमदार चंद्रदीप नरके, माजी आमदार सत्यजित पाटील-सरूडकर, गोकुळचे चेअरमन विश्वास पाटील, गोकुळचे संचालक डॉ सुजित मिणचेकर उपस्थित होते.
पूर्वनियोजित कार्यक्रमामुळे आरोग्य राज्यमंत्री ना.राजेंद्र पाटील यड्रावकर हे या बैठकीला उपस्थित राहू शकले नाहीत.
