दोन बंधारे पाण्याखाली :
राधानगरी धरणातून 2402 क्युसेक विसर्ग
कोल्हापूर :
जिल्ह्यातील राधानगरी धरणात 86.21 दलघमी पाणीसाठा आहे. आज सकाळी 7 वाजल्याच्या अहवालानुसार राधानगरी धरणाच्या विद्युत विमोचकातून 1300 व सिंचन विमोचकातून 1102 असा एकूण 2402 क्युसेक पाण्याचा विसर्ग सुरू आहे.
पंचगंगा नदीवरील- रुई व इचलकरंजी असे 2 बंधारे पाण्याखाली आहेत. नजिकच्या कोयना धरणात 41.86 टीएमसी तर अल्लमट्टी धरणात 89.268 इतका पाणीसाठा आहे.
आपल्या जिल्ह्यातील धरणांमध्ये पुढीलप्रमाणे पाणीसाठा आहे. तुळशी 51.55 दलघमी, वारणा 524.21 दलघमी, दूधगंगा 278.70 दलघमी, कासारी 30.16 दलघमी, कडवी 31.34 दलघमी, कुंभी 39.77 दलघमी, पाटगाव 49.02 दलघमी, चिकोत्रा 22.30 दलघमी, चित्री 33.52 दलघमी, जंगमहट्टी 14.43 दलघमी, घटप्रभा 42.85 दलघमी, जांबरे 23.23 दलघमी, आंबेआहोळ 15.80 दलघमी, कोदे (ल.पा) पुर्ण क्षमतेने भरला आहे.
तसेच बंधाऱ्यांची पाणी पातळी पुढीलप्रमाणे आहे. राजाराम 15.3 फूट, सुर्वे 17.10 फूट, रुई 43.3 फूट, इचलकरंजी 41 फूट, तेरवाड 38.9 फूट, शिरोळ 30 फूट, नृसिंहवाडी 26 फूट, राजापूर 17.6 फूट तर नजीकच्या सांगली 9.6 फूट व अंकली 9.10 फूट अशी आहे.
गगनबावडा येथे काल 13.8 मिमी पाऊस…
जिल्ह्यात काल दिवसभरात गगनबावडा तालुक्यात सर्वाधिक 13.8 मिमी पाऊस पडल्याची नोंद झाली आहे.
जिल्ह्यात आज सकाळी 8 वाजेपर्यंतच्या 24 तासात पडलेल्या एकूण पावसाची तालुका निहाय आकडेवारी मिमीमध्ये पुढीलप्रमाणे आहे.
हातकणंगले 2.2 मिमी, शिरोळ- 1.5, पन्हाळा 3.1 मिमी, शाहूवाडी- 6.6 मिमी, राधानगरी 6.5 मिमी, गगनबावडा-13.8 मिमी, करवीर- 2.8 मिमी, कागल- 2.7 मिमी, गडहिंग्लज- 4.6 मिमी, भुदरगड- 4.3 मिमी, आजरा 3.3 मिमी, चंदगड 6.6 मिमी पाऊस पडल्याची नोंद झाली आहे.
